श्री जनज्योति माध्यमिक विद्यालय

       विद्यालय सार्वजनिक निकाय हो । यसका गतिबिधिका बारेमा सरोकारवालाहरुलाई सुसूचित गर्नु विद्यालयको दायित्व हो । विद्यालयले गरिरहेका क्रियालाप र विद्यालयको शैक्षिक, आर्थिक, भौतिक र प्रशासनिक गतिबिधिहरुलाई सबै सराेकारवाला समक्ष पुर्‍याउने उद्देश्य विद्यालयको रहेको छ ।

     विद्यालयले अभिभावक र समुदायको चाहना बमोजिम शैक्षिक वातावरण सिर्जना गर्नुपर्दछ । यसबाट नै समूदायको माया, सद्भाव र सहयोग निरन्तर कायम रहने हो । अभिभावक र विद्यालयको साझा उद्देश्य नै कसरी हाम्रा बालबालिकाहरुलाई समय सापेक्षा सिकाइको वातारवण सिर्जना गर्ने भन्नेमा केन्द्रित हुने गर्दछ । तसर्थ विद्यालयले गरेका हरेक क्रियाकलापहरु बालबालिकाप्रति लक्षित हुन आवश्यक छ । बालबालिकाको भविष्यलाई कसरी उन्नत बनाउने र हाम्रा हरेक क्रियाकलाप विद्यार्थीसँग जोडिएका छन् कि छैनन् भन्ने कुरा नै मुख्य कुरा हो । विद्यालयका नियमित क्रियाकलाप पनि यसै अवधारणामा आधारित छन् ।

      विद्यालयको भौतिक, आर्थिक, सामाजिक, व्यवस्थापन तथा शैक्षिक विकासको लागि विद्यार्थी, शिक्षक, समूदाय तथा बौद्धिक वर्गको उल्लेख्य सहयोग र सक्रियताकै बीचबाट विद्यालयले यहाँसम्म आइ पुगेको छ । विद्यालयको यस बुलेटिनमा उल्लेखित लक्ष्य, उद्देश्य र कार्ययोजनाहरुलाई क्रमबद्ध रुपमा कार्यान्वयन तर्फ लाग्नु हामी सबैको कर्तव्य हो । त्यसैले सबैको सहकार्यमा विद्यालयको समग्र विकास गरी एउटा आदर्श शैक्षिक संस्थाको रुपमा स्थापित हुनेछ भन्ने अपेक्षा गरिएको छ ।

– तिलकराम लाेध‚ प्रधानाध्यापक